Siglir tar il cuntegn

Svizra Naginas grondas midadas tar la repartiziun d'entradas

La repartiziun da las entradas n'è ils davos onns betg sa midada fitg en Svizra. La classa mesauna è dentant tendenzialmain creschida levamain e la classa dals extrems sa sminuida.

Bursa.
Legenda: Grondas midadas n'hai betg da tar las entradas. Keystone

Gronda midadas hai ils davos onns betg dà tar la repartiziun da las entradas en Svizra. La classa mesauna è dentant creschida: Quintava tranter il 2011 e 2014 radund 57% da la populaziun tar la classa mesauna, eran quai gia 3,1% dapli.

L'augment è d'engraziar a la reducziun en la classa cun entradas bassas. Quella è sa reducida da 22,9% sin 21,5% il 2015. Ed er il cumpart da persunas en la classa cun entradas fitg autas è sa sminuì da 20,4% il 2013 per 1,9% il 2015.

Classas

Classa d'entradas bassa: Pli pauc che 70% da las entradas medias.

Classa d'entradas mesauna: Tranter 70 e 150% da las entradas bruttas medias. Quai eran il 2015 tranter 3'930 ed 8'422 francs per mais per persunas che vivan sulettas.

Classa d'entradas auta: Dapli che 150% da las entradas bruttas medias.

RR novitads 18:00