Siglir tar il cuntegn

Header

Navigaziun

In cedel da taglia e mauns che scrivan.
Legenda: La decisiun è clera: A Sviz na vegni en il futur betg a dar la medema tariffa da taglia per tuts. Keystone
cuntegn

Svizra Nagina taglia unitara en chantun da Sviz

Il suveran da Sviz refusa cleramain l’introducziun d’ina taglia unitara. Bunamain 79% dian na a la «Flat Rate Tax». Uss smanatscha a Sviz in augment da taglia general.

Il chantun da Sviz n’introducescha nagina tariffa unitara per las taglias. Il suveran ha cleramain laschà ir da l’aua giu la Flat Rate Tax ed uschia dà in schleppa a la regenza. La taglia unitara avess duì gidar il chantun ord la miseria finanziala.

37’055 persunas han refusà il project, 9’974 persunas han ditg gea. La cumpart da na munta a 78,8%, la participaziun a l’urna a 46,2%. Naginas da las 30 vischnancas e districts han acceptà il project.

Cun l’introducziun da la Flat Rate Tax fissan en il chantun da Sviz a partir dal 2017 tuttas entradas vegnidas suttamessas ad ina tariffa da 5,1% - independentamain da la summa d’entrada. Quai avess procurà per in’ulteriura grevezza finanziala da la classa mesauna. Las entradas supplementaras avessan duì contribuir a la sanaziun finanziala dal chantun.

RR novitads 14:00