lCun desister d’ina taglia sin gudogns vegnia schlià ina inegualitad tranter gudogns da lotto, gudogns en Casinos e gudogns tar purschidas sumegliantas online. Plinavant vegnian purschiders svizzers rinforzads en cumparegliaziun cun tals a l’exteriur. Uschia argumentescha la maioritad dals cussegliers naziunals.
Actualmain ston ins pajar taglia sin gudogns da passa 1000 francs.
Cussegl dals chantuns è d’in auter avis
Il Cussegl dals chantuns vul sulet relaschar la taglia sin gudogns da lotto sut in mez milliun francs. Uss va la fatschenta enavos en il Cussegl naziunal. Lez sto tractar da nov la lescha davart gieus per daners.
RR novitads 12:00