La primavaira bletscha na saja betg stada optimala per las vespras ha ditg Christian Schweizer da Agroscope a l'agentura da novitads sda. E cun la stad chauda e sitga manchia la maglia a las vespras ed als avieuls. I ha paucs fritgs giun plaun ed ils prads èn sitgs, uschia ha ditg Schweizer. Sitgira e chaud hajan era fatg problems als mustgins.
Suva annunzia damain guegls
Ch'il 2016 n'è betg ina stad da vesras conferman er las cifras da l'Institut svizzer d'assicuranza d'accidents Suva. Fin ussa ha l'assicuranza sulet las cifras dals agens assicurads. Questas cifras èn dentant remartgablas. Il fanadur e l'avust ha la Suva registrà sulet 364 guegls da vespras. Quai èn bunamain sis giadas pli pauc ch'avant in onn, cura che la Suva ha nudà passa 2'100 guegls. Er tar ils guegls d'avieuls è il dumber cun 520 sa smesar en cumparegl cun la stad 2015.
RR novitads 09:00