Nagina midada tar lescha da linguas

Il Cussegl federal sa retegna tar la lescha da linguas: l'armonisaziun duai vegnir bajegiada ora, in obligatori na datti dentant betg.

Durant ina lecziun en scola.

Legenda da maletgs: La lescha da linguas na sto il mument betg vegnir midada. Keystone

La lescha da linguas na sto il mument betg vegnir midada. Quai concluda il Cussegl federal.

En vista a las decisiuns sin stgalim chantunal dals ultims mais, na sajan las premissas betg dadas per reglamentar dumondas da linguas sin stgalim federal. Quai è l’argumentaziun dal Cussegl federal.

El incarichescha il Departament federal da l’intern da valitar la situaziun da nov ensemen cun ils chantuns. Quai per cas ch’in chantun avess da decider mesiras divergentas en chaussa.

La dispita da linguatgs è gia dapi in temp en moviment. Puspè pli viva è questa dispita vegnida tras in pass dal chantun Turgovia. La regenza da la Turgovia ha tramess en consultaziun la primavaira il nov plan d’instrucziun da la scola populara - dentant senza prevesair franzos en scola primara.

RR novitads 16:00