Svizra - Nagina liberaziun da taglia tar gudogn da lotto
Tgi che gudogna in milliun francs u dapli en il lotto duai er en l'avegnir stuair pajair taglia per quests daners. Quai vul la cumissiun da dretg dal Cussegl dals chantuns e sa metta uschia cunter la proposta dal Cussegl federal.
Il Cussegl federal aveva proponì da deliberar da la taglia gudogns da lotto ubain autras concurrenzas nua ch'i va per daners. Tar gudogns da Casino è quai numnadamain uschia. Il Cussegl federal leva perquai dismetter questa inegualitad. La cumissiun da dretg dal Cussegl dals chantuns n'è dentant betg da quest maini.
Cun auters puncts è ella dentant d'accord, per exempel da permetter gieus per daners via internet.
