La Cumissiun per la segirtad sociala e sanadad dal cussegl naziunal aveva incumbensà il Cussegl federal da sclerir il basegn d’ina lescha. I saja necessari da reglar il principi da l’agid social, mo quai restia chaussa dals chantuns, scriva il Cussegl federal.
La conferenza svizra da l’agid social porschan in’orientaziun per las vischnancas ed ils chantuns, mo quellas n’èn betg liantas.
Travail.Suisse è trumpà
Il Cussegl federal avessi gì la pussaivladad, da stgaffir ina lescha generala per l’agid social, mo el mitschi e surlaschia la responsabladad vinavant tar las vischnancas ed ils chantuns. Quai saja deplorabel ed dischagreabel scriva Travail.Suisse, l’organisaziun tetgala dals lavurants. Entras quai dettia quai ina concurrenza vers engiu e vischnancas veglian vegnir liber da persunas che retiran agid social.
RR novitads 14:00/15:00