Svizra - Nagina invista a resultats da tests genetics per assicuranzas
Quai ha decis oz il Cussegl dals chantuns. El suonda uschia al Cussegl naziunal. Il scumond vala però be per assicuranzas da vita cun ina summa da main che 400'000 francs u per assicuranzas d'invaliditad privatas da main che 40'000 francs l'onn.
Quai vul dir che las assicuranzas na dastgan betg pretender invista a resultats da tests ch'in client ha p. ex. laschà far per determinar la derivanza u la dieta adattada u per laschar determinar tge disciplina da sport che fiss la pli adattada per el.
Las assicuranzas na dastgan plinavant er betg pretender tests genetics per pudair valitar meglier il ristg da malsogna dal client.
