Siglir tar il cuntegn

Header

Navigaziun

L'edifizi dal Tribunal federal a Losanna
Legenda: L'edifizi dal Tribunal federal a Losanna Keystone
cuntegn

Svizra Nagina indemnisaziun per magister da Zug

Malgrà ch'el era vegnì declerà liber da la renfatscha d'abus sexual na survegn el nagina indemnisaziun.

Il Tribunal federal ha decidì ch'il magister n'haja betg da bun in’indemnisaziun da l'autoritad penala perquai ch'el haja pers sia plazza pervi da las inculpaziuns. La stad 2009 aveva la mamma d'ina mattetta accusà il magister d'avair malduvrà sexualmain pliras giadas la mattatscha. Il magister è stà 8 dis en arrest d'inquisiziun e la scola ha visà la plazza ad el. Il 2013 ha la dretgira penala da Zug declerà liber il magister da tut las rinfatschas.

Pretendì indemnisaziuns da passa 200'000 francs

Il magister aveva pretendì in'indemnisaziun en l'autezza d'almain 235'000 francs perquai ch'el n'haja betg pudì lavurar durant quest temp da las inquisiziuns. Las autoritads penalas na stoppian betg pajar perquai che la vischnanca da scola haja decidì da relaschar il scolast senza giustificaziun factica. Las autoritads na stoppian betg purtar las consequenzas da quest sbagl da la vischnanca.

RR novitads 12:00