Siglir tar il cuntegn
Inhalt

Svizra Nagina destinaziun preferida da fugitivs

La Svizra saja fin uss mo stada pertutgada pauc dal moviment da fugitivs tras l'Europa, perquai ch'ella na saja betg la destinaziun preferida dals fugitivs. Quai scriva il Secretariat da stadi per migraziun.

Durant l'avust han 462 persunas survegnì asil. 584 persunas èn vegnidas pridas si provisoric.
Legenda: Durant l'avust han 462 persunas survegnì asil. 584 persunas èn vegnidas pridas si provisoric. Keystone

Perquai che la Svizra na schai betg directamain sin la via dals migrants tras l’Europa dal Sidost n’è ella era betg ina destinaziun preferida per els. Ils blers requirents d’asil en Svizra arrivan sur la Mar Mediterrana e sur l’Italia.

Dumber da dumondas d'asil è constanta

En Svizra han bunamain 3’900 persunas dumandà asil l'avust. Quai èn quasi tuttina bleras dumondas sco il fanadur. Creschidas sajan las dumondas da persunas ord da l'Afganistan, la Siria e l'Irac.

Las pli bleras dumondas vegnian vinavant tschentadas da persunas or da l'Eritrea.

RR novitads 18:00