Siglir tar il cuntegn
Inhalt

Svizra Nagina cunvegna speziala cun la Nova Zelanda

Il Cussegl dals chantuns ha approvà il barat d'infurmaziuns automatic da datas da contos cun 41 pajais.

Filippo Lombardi da la PCD tessin en la sala dal Cussegl dals chantuns.
Legenda: Filippo Lombardi (PCD / TI) leva proteger meglier ils Svizzers pensiunads en la Nova Zelanda. Keystone

Tranter quels pajais èn la Russia, la China e l'Arabia Saudita. Dà da discutar ha la cunvegna cun la Nova Zelanda.Tgi che viva diesch onns en la Nova Zelanda ha dabun ina renta. Sche la persuna retira dentant era anc ina renta da l'AVS vegn quella summa tratga giu sche l'administraziun novzelandaisa sa da quella.

Il cusseglier dals chantuns Filippo Lombardi da la PCD era dentant da l'avis ch'ils Svizzers hajan in dretg sin l'entira renta perquai ch'els hajan era pajà las contribuziuns en omadus pajais. El leva perquai ch'il Cussegl federal negozieschia ina cunvegna correspundenta.

Era Svizzers ston respectar leschas

La maioritad dal Cussegl dals chantuns è dentant suandada al Cussegl federal ch'era da l'avis ch'ils Svizzers hajan da respectar las leschas novzelandaisas. Il medem pretendian ins era dals esters en Svizra. La regenza dal stadi el Pacific haja dentant empermess ch'i na dettia naginas proceduras penalas sch'ils Svizzers pajan suenter las taglias. Ussa tracta anc ina giada il Cussegl naziunal la cunvegna.

RR novitads 12:00