Nagin success per recurs cunter l’eroport Altenrhein

Il Tribunal administrativ federal n'è betg entrà en in recurs cunter permissiuns spezialas da l'eroport Altenrhein.

Vista sin eroport Altenrhein.

Legenda da maletgs: L'eroport na dastga betg decretar disposiziuns uffizialas e perquai na po era il Tribunal administrativ betg decider... Keystone

L'eroport aveva il 2013 dà 27 permissiuns per sgols ordaifer ils temps d'avertura. Ils recurrents avevan crititgà il dumber aut da permissiuns spezialas. La dretgira ha uss argumentà che l'eroport na possia betg decretar disposiziuns uffizialas, damai ch'el n'haja nagina concessiun federala. E recurs pon ins far mo encunter disposiziuns uffizialas.

Questa decisiun pon ils recurrents anc trair vinavant al Tribunal federal.

RR novitads 12:00