Per pudair porscher als clients vinavant products attractivs da Salt, saja lur strategia memia differenta a quella da Salt, uschia il vendider da telefons mobils, Mobilezone. En l’avegnir vegnian ins a sa concentrar sin ils partenaris Swisscom, Sunrise, UPC e Talk Talk.
Dapli gudogn e svieuta
Ultra da quai ha Mobilezone annunzià las cifras da l’emprim mez onn. Cumpareglià cun la medema perioda da l’onn passà saja il gudogn s’augmentà per 17% sin radund 12 milliuns francs. La svieuta è creschida per 70% sin bun 520 milliuns francs.
RR novitads 11:00++