Siglir tar il cuntegn

Svizra Nagin privilegi da taglia sin plivalur per hotellaria

Il Cussegl federal na tegna nagut da promover la hotellaria cun ina reducziun da la taglia sin la plivalur. El refusa la moziun dal cusseglier dals chantuns grischun, Stefan Engler.

Purtret da Stefan Engler.
Legenda: Il Cussegl federal ha refusà ina moziun da Stefan Engler. Keystone

Il politicher da la PCD pretenda da simplifitgar la taglia sin uschenumads packages, sco cumbinaziuns da pernottaziuns cun pass sa skis u tractaments da wellness. Oz èsi uschia ch'igl è da pajar pli pauca taglia sin la plivalur sche almain 70% dal package è suttamess ad in tariffa reducida.

Engler vul che questa part vegn reducida da 70% giu sin 50%. 70% èn tenor el memia bler. En blers cas na possia uschia betg vegnir fatg in package.

Il Cussegl federal crititgescha ch'autras branschas avessan uschia in dischavantatg tar la concurrenza. La hotellaria profiteschia plinavant gia oz da simplificaziuns generusas, scriva el.

RR novitads 12:00