Siglir tar il cuntegn
Inhalt

Svizra Nagin privilegi da pensiun cun 60 onns pli

Militars da professiun, guardias da cunfins e diplomats na duain betg pli pudair ir en pensiun cun 60 onns. Per els duai valair la vegliadetgna da pensiun da 65 onns.

Ina stanza da scola cun militars.
Legenda: Era militars da professiun duain ir cun 65 onns en pensiun. Keystone

Era militars da professiun, guardias da cunfins e diplomats duain ir cun 65 onns en pensiun e betg sco fin uss cun 60. Quai ha il Cussegl federal decis. La regla che valeva fin ussa resguardava las pretaisas e la grevezza da la lavur. Per exempel las relaziuns da vita per emploiads dal Departament federal d'affars exteriurs en differents lieus d’acziun.

Uss ha la regenza incumbensà il departament da finanzas ed ils ulteriurs departaments involvids da sclerir fin la fin da l’onn co reglar la midada per collavuraturs novs. Per ils actuals collavuraturs duai dar ina reglamentaziun transitorica, communitgescha l’Uffizi federal da persunal.

RR novitads 11:00