Svizra - Nagin mitschar da chastis per delinquents esters
Delinquents da l’exteriur na duain betg pli pudair scappar dal chasti cun turnar en lur patria. Il Cussegl federal a decidì d’approvar in protocol supplementar ad ina convenziun dal Cussegl da l’Europa che pussibilitescha da dumandar il stadi da patria dal delinquent d’exequir il chasti.
La cunvegna prevesa che la Svizra po en intgins cas era far la dumonda al stadi da patria dal delinquent senza che quel dat ses consentiment ni schizunt cunter la veglia da lez. Pussaivel è quai sche la persuna condemnada scappa en sia patria ni era sch'il delinquent sto pervia da la sentenzia bandunar la Svizra.
Tenor l'Uffizi da giustia han els l'onn passà fatg diever da quella pussaivladad en 10 cas.
