Siglir tar il cuntegn

Header

Ovs.
Legenda: Provas dad ovs svizzers na mussan naginas restanzas da Fipronil. Keystone
cuntegn

Svizra Nagin Fipronil en ovs svizzers

En ovs svizzers na datti naginas restanzas da l’insecticid toxic Fipronil. Quai resulta almain da las provas che l'Uffizi per la segirezza da victualias e per la sanadad d’animals ha laschà far.

Vegnids intercurrids èn 48 ovs svizzers da manaschis pitschens e gronds e quai or da differentas tegnidas. Tenor l'uffizi federal èn tut ils ovs schubers.

Fipronil è scumandà dapi il 2014 tar l'agricultura svizra. Tenor las autoritads na datti er nagins indizis ch'igl è vegnì fatg diever da l’insecticid dispitaivel.

L'entschatta d’avust avevan ins chattà fastizs da Fipronil tar ovs importads dals Pajais Bass.

RR novitads 17:00