Nagin dretg da veto cunter deposit da rument radioactiv

Construir in deposit final per rument radioactiv duai era esser pussaivel cunter la veglia dal chantun pertutgà. Il parlament federal n'è betg stà pront d'introducir in dretg da veto. Suenter il Cussegl dals chantuns ha era il Cussegl naziunal refusà in'iniziativa dal chantun Schaffusa.

prà verd cuvert in zic cun naiv, entamez ina bandiera «Kein Atommüll im Bözberg»

Legenda da maletgs: Il Bözberg fiss in dals culms ideals per deponer rument radioactiv. Keystone

Per la maioritad paisan ils interess naziunals dapli ch'ils interess chantunals. Vitiers haja in chantun pertutgà tant in dretg da recurs sco era la pussaivladad da far in referendum. Ils aderents han appelà da tegnair aut la democrazia, han dentant stuì suttacumber cun 112 cunter 78 vuschs.

RR novitads 14:00