Siglir tar il cuntegn

Header

Navigaziun

In kiosk en la citad da Berna.
Legenda: La gestiunaria Valora paja las pli bassas pajas da la branscha. Il sindicat Syna fa uss squitsch. Keystone
cuntegn

Svizra Nagin contract collectiv da lavur pli per collavuraturs da kiosk

Ils collavuraturs da kiosks ston vinavant spetgar sin megliers cundiziuns da lavur e dapli paja. Uschia n’èn las tractativas per in nov contract collectiv da lavur tranter il sindicat Syna e la gestiunaria da kiosks Valora betg reussids.

Sco il sindicat Syna scriva saja quai uss necessari d'instradar pass giuridics. Uschia pretenda il sindicat surtut contractivas da paja, quellas sajan gia daditg necessarias. La Valora duai porscher meglras cundiziuns da lavur ma surtut dapli paja. Malgrà che la gestiunaria da kiosks haja pli autas dividendas e pajas da managers en cumparegliaziun cun la concurrenza paja ella las pli bassas pajas minimalas ed dapi dus onns hajan ils collavuraturs giu nagin augment da paja. Quai saja inacceptabel, scriva la Syna.

La Valora n’è betg s’exprimida sur da las contractivas. Els sajan surprais che la Syna haja visà il contract collectiv. Els hajan chattà en la Societad svizra d’emploiads da commerzi in nov partenari social uschia ch’ils sur 2000 emploiads hajan vinavant la protecziun tras in contract collectiv da lavur, scriva la Valora.

RR novitads 10:00