Siglir tar il cuntegn

Svizra Nagin center d'asil a Seelisberg

La regenza dal chantun Uri desista il mument dal project dispitaivel. Quai suenter protests massivs.

Radunanza.
Legenda: Il center d'asil planisà ha procurà per in eclat. Keystone

Giu en la val dettia actualmain avunda plazs d'alloschi. Il vitg muntagnard Seelisberg era sa dustà cun pais e mauns, il link avra en ina nova fanestra cunter l'alloschi per asilants en in hotel. Uschia argumentescha la regenza uranaisa sia decisiun. Uss duai ina maisa radunda gidar a calmar la situaziun tendida tranter la regenza e la populaziun dal vitg. Ina persuna externa duai intermediar.

Eclat durant saira d'infurmaziun

La vischnanca da Seelisberg cun 700 abitants na possia betg supportar 60 requirents d’asil – uschia han ditg pliras persunas durant la saira d'infurmaziun davart il center planisà l'entschatta d'avust. La cussegliera guvernativa Barbara Bär (PLD), represchentants dal chantun e da la Crusch cotschna avevan vulì orientar la populaziun davart il center per requirents planisà. Ma adumbatten.

La cussegliera guvernativa Barbara Bär ha empruvà pliras giadas da cuntinuar cun ses referat dentant senza success. Ella è sa mussada trumpada da l'opposiziun vehementa da la vischnanca ed ha crititgà che represchentants da la vischnanca hajan anc sustegnì l'opposiziun enstagl da mitigiar la situaziun. Suenter radund in'ura è l'occurrenza vegnida rutta giu, sin proposta dal president communal.

RR novitads 12:00