Siglir tar il cuntegn
cuntegn

Svizra Nagin augment dals pretschs en il traffic public

En il traffic public na vegni betg a dar augments da pretschs generals l'auter onn. Quai ha l'associaziun professiunala Ch-direct communitgà.

Famiglia che fa ina excursiun.
Legenda: L'onn proxim vegn ins a pudair profitar d'abos per excursiuns. Keystone

Grazia ad in sbassament da la taglia sin plivalur e pervi da l'introducziun da l'abo per excursiuns per passagiers occasiunals e da temp liber vegnan bigliets singuls schizunt pli bunmartgads. Cun ils pretschs pli bass duess il traffic public er vegnir pli attractivs.

Reducziun da bigliets singuls

La decisiun da betg augmentar ils pretschs tar la proxima midada da l'urari è succedida malgrà la prognostitgada chareschia da 0,6% ed ina ulteriura meglieraziun da la purschida. Grazia ad in sbassament da la taglia sin plivalur profitescha la clientella schizunt d'ina reducziun da pretsch. Gia davent dal prim da zercladur vegnan ils pretschs per bigliets singuls sbassads totalmain per nov milliuns francs.

Bigliets per far excursiuns

Ultra da quai datti davent dals 4 d'avrigl in nov abo d'excursiuns (per passagiers. Tar l'abunament da mesa taxa pon ins cumpar in set da 20 u 30 bigliets dal di per far excursiuns. Quels pon ins lura duvrar senza restricziun durant in onn.

RR novitads 12:00