Na ad ina clausula da protecziun unilaterala

Ina clausula da protecziun vegnia mo en dumonda sche l'UE dettia ses consentiment. Quai ha ditg Jean-Claude Juncker a Brüssel. Avant eran el e la presidenta da la confederaziun, Simonetta Sommaruga s'inscuntrads ed avevan discutà, co realisar l'iniziativa d'immigraziun da massa.

Simonetta Sommaruga, presidenta da la Confederaziun e Jean-Claude Juncker, president da la cumissiun da l'UE.

Legenda da maletgs: Simonetta Sommaruga, presidenta da la Confederaziun e Jean-Claude Juncker, president da la cumissiun da l'UE. Keystone

Sommaruga ha accentuà l'aspect positiv. Ins haja fatg progress en ils discurs, la finala na vulevia l'UE l'entschatta gnanc discurrer cun la Svizra davart quest tema. Vitiers hajan ins «chattà in lieu, nua ch'ina schliaziun fiss pussaivla», ha ditg Sommaruga cun menziunar l'artitgel 14.2 da la cunvegna da la libra circulaziun Svizra - UE.

RR novitads 15:00