Siglir tar il cuntegn

Header

Navigaziun

In um penda si in placat da reclama per cigarettas.
Legenda: Pender si placats da reclama per cigarettas duai restar legal en Svizra. Keystone
cuntegn

Svizra Na ad in scumond per reclama da tubac

Il minister da sanadad Alain Berset survegn ina schleppa. Suenter il Cussegl dals chantuns refusa era il Cussegl naziunal in scumond per reclama da products da tubac. La prevenziun na saja betg uschè impurtanta sco il martgà liber.

Cun 101 cunter 75 vuschs, tar 14 abstenziuns, ha refusà al Cussegl federal la lescha davart products da tubac. La maioritad da la PPS, la PLD e la PCD han procurà per la decisiun. Ina maioritad da la cumissiun da sanadad dal Cussegl naziunal aveva percunter proponì da tractar la fatschenta e far las adattaziuns necessarias.

Il parlament vul in nov sboz da lescha che cuntegn mo aspects betg contestads sco la protecziun dals uffants e da la giuventetgna. La proposta da limitar la reclama en kinos u sin placats, la promoziun da products da tubac ed il sponsoring n’ha chattà sustegn ni tar il Cussegl naziunal ni tar il Cussegl dals chantuns.

RR novitads 12:00