Siglir tar il cuntegn

Header

cuntegn

Svizra Na a lescha da radio e televisiun

La PPS Svizra refusà cun gronda maioritad la revisiun da la lescha da radio e televisiun. Ils delegads e las delegadas da la partida populara Svizra han decidì a Fribourg la parola "na" cun 315 cunter 1 vusch. La radunanza è suandada als arguments dal cusseglier naziunal Jean-François Rime.

Na a l'iniziativa da l'ierta

Delegadas e delegads da la PPS èn unanimamain cunter l'iniziativa per ina refurma da la taglia sin ierta. Il sustegniment per l'AVS ch'ils iniziants han avisà ha la PPS titulà sco "sablun en ils egls". Tenor l'iniziativa duess la confederaziun suttametter a la taglia iertas da passa 2 milliuns e regals a partir da 20'000 francs e quai cun 20%. Las entradas vegnissan dabun per dus terzs a l'AVS e per in terz als chantuns.

Toni Brunner
Legenda: Il president da la PPS Toni Brunner durant in pled (archiv). Keystone

Elecziuns èn decisivas

Las elecziuns dals 18 d'october sajan decisivas. Quai ha ditg il president da la partida populara svizra, Toni Brunner, en ses pled d'avertura da la radunanza da delegads da la PPS a Fribourg. I valia perquai da rinforzar la PPS. La maioritad actuala da mezsanester tschentia prioritads absurdas. Brunner ha era crititgà tranter auter che la Svizra recepeschia arbitrar e constant fugitivs sirians che custian latiers bler dapli che quei ch'il Cussegl federal haja annunzià.

RR novitads 14:00

Artitgels legids il pli savens