Siglir tar il cuntegn

Header

audio
Reacziuns sin naufragi da las iniziativas agraras
Or da Actualitad dals 23.09.2018. Maletg: Keystone
laschar ir. Durada: 3 minutas 46 Secundas.
cuntegn

Svizra NA a la suveranitad alimentara

L'iniziativa per la suveranitad alimentara ha fatg naufragi. Sulettamain en Svizra romanda cun ils chantuns Jura, Neuschatel, Vad e Genevra èsi da vesair ina tendenza positiva per las iniziativas per suveranitad alimentara e fair-food.

Iniziativa per la suveranitad alimentara

Svizra: Iniziativa per la suveranitad alimentara

  • GEA

    31.6%

    628'463 Vuschs

  • NA

    68.4%

    1'358'712 Vuschs

Vuschs dals chantuns

  • GEA

    4.0

  • Na

    19.0

Cuntentientscha tar l’economia svizra

Il NA dubel a las iniziativas agraras saja ina sditga a la «isolaziun en l’agricultura» ed il «protecziunissem», uschia la federaziun tetgala d’economia Economiesuisse. Era l’Uniun svizra d'artisanadi e mastergn saja era fitg cuntenta, sco ch’els han communitgà. Vinavant scrodian uschia ils ristgs per l’economia alimentara, ma era ils consuments na stoppian uschia betg temair products pli chars.

audio
Votaziuns federalas – ina valitaziun d'Adrian Camartin
ord Actualitad dals 24.09.2018. Maletg: RTR
laschar ir. Durada: 4 minutas 2 Secundas.

Tar omaduas iniziativas federalas è sa mussà l'uschenumnà foss da rösti. Or da las regiuns francofonas da la Svizra hai dà il pli bler sustegn, ils pli clers geas. Sco arguments per il foss tranter Svizra tudestga e franzosa vesa noss correspundent en Chasa federala, Adrian Camartin tranter auter: Cuntrari a la Svizra tudestga hai da en Svizra franzosa in campagna communabla per las duas iniziativas agraras. Plinavant haja la campagna cunter quellas pir tard fitgà pe en las parts francofonas ed Uniterre sco in dals iniziants haja sias ragischs en Svizra franzosa.

Resultats grischuns

Sco la media svizra refusa era il chantun Grischun l'iniziativa, quai cun 77,3% respectivamain 39'078 vuschs. En tut è mintga vischnanca sa decidida cunter l'iniziativa agrara.

La pli auta participaziun a la votaziun per quest’iniziativa è vegnì dumbrada a Roveredo cun 73,09%. La pli bassa participaziun cun 25.32% a Schluein.

Artitgels legids il pli savens