Siglir tar il cuntegn

Header

cuntegn

Svizra Na a l'iniziativa per dapli effizienza d'energia

Il Cussegl dals chantuns è dal maini che la strategia d'energia 2050 tanschia per cuvierer l'iniziativa.

Cun 24 cunter 16 vuschs recumonda il parlament da refusar l'iniziativa per dapli effizienza dal diever dal current electric. L'iniziativa avess previs da reducir il consum d’electricitad da la Svizra fin il 2035 sin il livel da l'onn 2011. Lantschada è l’iniziativa vegnida da commembers da tut las grondas partidas, d'interprendiders, d’organisaziuns d’ambient e da consuments. Il pli grond potenzial vesan ils iniziants tar l'illuminaziun e tar il diever entras l'industria. Qua vegnia sfarlattà bler current electric.

Strategia d'energia 2050

L'iniziativa e la strategia d'energia 2050 giajan en la medema direcziun. Ils blers parlamentaris èn perquai stads dal maini che las finamiras d'effizienza pretendidas en l'iniziativa sajan gia cumpigliadas en la strategia 2050. Davart questa strategia sto anc vegnir votà en in votum final.

RR novitads 12:00

Artitgels legids il pli savens