Siglir tar il cuntegn

Header

Navigaziun

Ina fassada d'ina chasa bain mantegnida
Legenda: Cunzunt en il center da las citads grondas èsi lucrativ da surlaschar l’abitaziun affittada ad auters. Keystone
cuntegn

Svizra Na a fatschentas cun abitaziuns affittadas

Surlaschar l'abitaziun affittada per daners ad insatgi auter, duai en il futur mo pli esser pussaivel cun il consentiment a scrit dal locatur.

Il Cussegl naziunal ha approvà in'iniziativa parlamentara da Hans Egloff, cusseglier naziunal da la PPS e president da l'Associaziun svizra dals proprietaris da chasas. Quai cun 109 cunter 77 vuschs e duas abstenziuns. Sco proxim ha anc il Cussegl dals chantuns da sa fatschentar cun questa materia.

Ina formulaziun pauc clera

La dumonda per il consentiment duai tenor Egloff era cuntegnair il tschains per la sutaffittanza. Ed il locatur duai pudair refusar la sutaffittanza, sche quella è abusiva u sch’el sto quintar cun dischavantatgs substanzials.

En mira Airbnb e sumegliants servetschs

Ina raschun per l’idea d’engrevgiar la sutaffittanza, è il success da plattafurmas sco Airbnb. La sutaffittanza saja sa sviluppada ad ina fatschenta, crititgescha il cusseglier naziunal Hans Egloff.

RR novitads 22:00