Siglir tar il cuntegn
Inhalt

Svizra Museum d'art dal Vad po vegnir construì

Il Tribunal federal ha refusà l'ultim recurs cunter la construcziun dal museum d'art dal Vad. Cun quai è la via libra per la nov’attracziun da Losanna, il quartier dals museums a la staziun. Las lavurs duain cumenzar la fin da schaner.

La fassada da culmaina dal tract entamez duai regurdar a l'istorgia industriala dal bajetg.
Legenda: La fassada da culmaina dal tract entamez duai regurdar a l'istorgia industriala dal bajetg. projet Pôle muséal, Lausanne / Estudio Barozzi&Veiga, Barcelona

Il project

Fin il 2018 duai vegnir construì in quartier da museums a Losanna. Il project cun il num «Pôle Muséal» prevesa trais novs bajetgs da museum e custa 180 milliuns francs.

Ils responsabels dal project «Pôle Museal» sajan vegnids infurmads oz da la sentenzia dal Tribunal federal, communitgescha il Chantun Vad. La construcziun dal nov museum d'art era dispitaivla.

Tenor il cusseglier guvernativ Pascal Broulis èn ils contrahents ids 6 giadas avant dretgira. Il Tribunal federal tiria cun la sentenza in stritg final sut radund 40 mais, uschia Broulis envers l’agentura da novitads SDA.

La fin da schaner possian ins cumenzar cun la demoliziun da la halla da locomotivas. A medem temp sto era vegnir fatga ina sanaziun d’asbest. Tenor Broulis duain questas lavurs esser a fin il settember 2016.

RR novitads 20:00