Siglir tar il cuntegn

Header

cuntegn

Svizra Museum d'art a Berna ha surdà lavurs senza scriver ora

Il museum ha surdà lavurs da schlargiar l'edifizi per 40 milliuns francs senza scriver ora publicamain. Cunter quai han uss 32 biros d'architectura bernais fatg recurs.

Il chantun da Berna sto uss giuditgar sch'il proceder è correct. Il president da l'uniun dals architects ha confermà tals rapports en las medias.

Il zercladur avev'il Museum d'art da Berna preschentà ses plans per in schlargiament che custa 40 milliuns francs. Cun surdar l'incumbensa direct vulevan ils responsabels evitar retardaments ed uschia era custs supplementars. Igl è previs ch'il chantun da Berna surpiglia 32 milliuns francs.

L'uniun d'architects pretenda che las lavurs vegnian scrittas ora. Il museum d'art saja ina fatschenta subvenziunada dal maun public ed haja da scriver ora lavurs da questa dimensiun. Plinavant haja il museum da svegliar chapientscha per la cultura da bajegiar ed en quest rom era in'obligaziun da scriver ora lavurs per chattar la meglra soluziun pussaivla. Perquai drovia quai ina concurrenza d'ideas, uschia il president da l'uniun d'architects.

RR novitads 16:00

Artitgels legids il pli savens