Siglir tar il cuntegn

Svizra Murdraretsch a Rupperswil - las unfrendas èn identifitgadas

Las 4 persunas ch'ins ha chattà ier mortas suenter in fieu en ina chasa a Rupperswil en il chantun Argovia èn las unfrendas d'in crim chapital. Las unfrendas hajan blessuras da stilettadas e da tagls ha communitgà la Procura publica dal chantun Argovia.

in auto da polizia da vart sanestra ed in auto da pumpiers a dretg, entamez in pumpier
Legenda: Ils pumpiers han chattà las baras arsas. L'identificaziun da las unfrendas è difficila. Keystone

Era mussà si saja ch'enzatgi haja mess cun intenziun il fieu en la chasa. La procura ha instradà ina procedura pervi da mazzament intenziunà en plirs cas. Las investigaziuns giajan sin tuttas vart, uschia ha communitgà la procura publica.

Differentas persunas èn vegnidas interrogadas. In arma da delict na saja betg vegnida chattada, ha communitgà vinavant la procura publica. Tar tut las baras sa tractia d'unfrendas, il delinquent n'è betg tranter ils morts.

La polizia ha fatg in appel a perditgas. Tuttas persunas che pon far indicaziuns davart observaziuns suspectusas tranter la dumengia saira ed il glindesdi da mezdi.

Procura publica ha identifitgà las baras

Entant èn las unfrendas identifitgadas. La procura publica na tradescha però betg dapli, perquai che parents e famiglias da las unfrendas n'èn anc betg infurmads.

RR novitads 14:00