Ils responsabels han zuppentà il maldiever sexual che saja capità dal 1929 fin il 1955 en il pensiunat Marini a Montet (FR). Quest haja dà dimora a passa 100 uffants ed era en la responsabladad directamain tar l'uvestgieu. Durant quest temp haja dà maltractaments e repetidamain violaziuns, uschia statti en il studi. 21 uffants sajan vegnids violads ed i dettia 11 delinquents.
Sulet chasti: Midar plaz da lavur
Tranter ils delinquents sajan 2 directurs da l'institut e 2 spirituals, concluda il studi sin incumbensa da l'uvestg da Losanna, Genevra e Friburg Charles Morerod. Da quests sajan però mo 2 cas vegnids avant tribunal. En ulteriurs cas haja quai bain dà investigaziuns internas. Ils delinquents sajan silsuenter però mo vegnids translocads - en ils blers cas senza chasti.
Il studi dad experts externs
Il studi aveva l'uvestg Morerod laschà far suenter plirs discurs cun unfrendas da talas praticas en instituts catolics. Ils experts externs han silsuenter discurrì cun 14 perditgas e consultà ils archivs.
RR novitads 11:00