Siglir tar il cuntegn
cuntegn

Svizra Mühleberg è sa tschentà giu da sez

Pervi d'in disturbi en la surveglianza da l'ovra atomara Mühleberg è il reactur sa tschentà giu automaticamain.

Purtret da l'ovra atomara Mühleberg.
Legenda: L'ovra atomara Mühleberg ha tschentà giu automaticamain il reactur. Keystone

Curt e concis:

  • Tenor il concern d'energia BKW hai dà oz in disturbi en il sistem da surveglianza dal conduct da vapur tar las turbinas da l'ovra atomara Mühleberg.
  • Quai haja manà tar quai che l'ovra atomara haja tschentà giu automaticamain il reactur, scriva il concern sin sia pagina d'internet.
  • La raschun per il disturbi vegnia anc sclerida. I dettia nagin privel per la populaziun u il conturn.

L'ovra haja reagì sco quai ch'ella ha stuì. Il reactur sa chattia en in stan segir, hai gì num da vart da la BKW. L'inspecturat federal da la segirezza nucleara (ENSI) saja vegnida infurmada immediat.

L'ovra vegnia puspè a la rait uschè prest ch'il disturbi saja schlià, e la ENSI dettia la lubientscha.

RR novitads 14:00