Siglir tar il cuntegn

Header

Navigaziun

Panzer.
Legenda: Ils meds finanzials da l'armada na vegnan betg reducids per l'auter onn. Keystone
cuntegn

Svizra Moziun per restrenscher daners da l'armada giud maisa

Il Cussegl dals chantuns na vul betg restrenscher la Confederaziun sch'i va per la cumpra d'armaziun.

La chombra pitschna ha refusà unanimamain ina moziun dal Cussegl naziunal. La moziun è uschia giud maisa. Quella vuleva numnadamain impedir che l'armada survegnia damain daners per il 2017 perquai ch'il project per la defensiun da rachetas è vegnì spustà il mument. Tut en tut vai per 700 milliuns francs che fissan stads previs per la cumpra da rachetas.

Tenor ina maioritad en il Cussegl dals chantuns restrenschia questa moziun il departament federal da defensiun en sia flexibilitad e libertad d'agir. Per il Cussegl dals chantuns è il rom d’expensas da quatter onns per l’armada il med adattà per porscher la flexibilitad necessaria a la Confederaziun en connex cun cumpras d’armaziun. Ils onns 2017-2020 èn previs expensas da 20 milliardas francs.

RR novitads 09:00