Siglir tar il cuntegn
cuntegn

Svizra Moutier: Procura publica investighescha

I vegn suspectà ch'i haja dà irregularitads tar la votaziun davart la midada da chantun dals 18 da zercladur 2017.

Persunas che fan festa sin via.
Legenda: La votaziun a Moutier pudess vegnir repetida pervi dad irregularitads. Keystone

Suenter che la vischnanca da Moutier ha decis a l'urna da midar dal chantun Berna tar il chantun Giura, investighescha uss la procura publica en chaussa. Quai ha confermà la procura generala dal chantun Berna envers la gasetta «Sonntagszeitung». Uffizialmain discurra la procura publica da «delicts cunter la voluntad dal pievel». Concret munta quai ch’il resultat da la votaziun pudess esser vegnì falsifitgà.

Il zercladur avevan ils da Moutier decis cun ina pitschna maioritad dad esser part dal chantun Giura. Gia curt suenter la votaziun avevi dà plirs recurs cunter il resultat da la votaziun. Sche la votaziun è vairamain vegnida manipulada, pudess quella vegnir repetida.

RR novitads 06:00