Svizra - Moschea «An Nur» a Winterthur sto probabel serrar sias portas
La locatura da las localitads na vul betg renovar il contract sin la fin da quest onn cun la moschea, quai ha in commember da l'uniun An Nur communitgà envers la gasetta Tages Anzeiger.
Il pledader ha fatg responsabel tranter auter las medias per quest pass da la locatura. I saja vegnì rapporta a moda fitg provocanta e perquai na saja il contract betg vegnì prolungà.
La moschea a Winterthur era stada pliras giadas en il focus pervi da la radicalisaziun da giuvenils. Plirs da quests giuvenils eran viagiads en Siria per cumbatter cun la gruppa da terror stadi islamic.
