Moret ha annunzià sia candidatura per succeder a Didier Burkhalter - questa saira en la televisiun da la Svizra franzosa. Tenor ella duain las cumpetenzas esser il criteri principal. Ella suttastritga dentant era l'impurtanza, che las dunnas sajan represchentadas en il Cussegl federal.
L'advocata da 46 onns è dapi il 2006 per la Partida liberaldemocratica dal chantun Vad en il Cussegl naziunal. Plinavant è ella stada dal 2006 al 2010 vicepresidenta da la PLD Svizra.
Dal chantun Vad ha gia in'autra dunna annunzià ses interess per daventar successura da Didier Burkhalter, la cussegliera guvernativa Jacqueline de Quattro.
RR novitads 20:00