Siglir tar il cuntegn

Header

cuntegn

Svizra Moon Jae In ha beneventà Alain Berset en la Corea dal Sid

Cusseglier federal Alain Berset è vegnì retschet en la Corea dal Sid dal president Moon Jae In per in inscunter. Tema da l’inscunter saja tranter auter stà la collavuraziun bilaterala en dumondas d’economia e da la perscrutaziun.

La Svizra saja cuntenta che la Corea dal Sid e la Corea dal Nord hajan puspè s'avischinà. E speria ch'ils discurs tranter las Coreas cuntinueschian er suenter ils gieus olimpics, ha cusseglier federal Alain Berset ditg a chaschunà da sia visita en la Corea dal Sid.

Quai che pertutga la relaziun tranter la Svizra e la Corea dal Sid èn tuttas dus delegaziuns da l'avis ch'ella saja buna. Quai cunzunt en il sectur da la scienza. E la Svizra ha confermà l'interess da prolungar la cunvegna da commerzi liber tranter ils pajais da l'Associaziun europeica da commerzi liber (EFTA) e la Corea dal Sid.

Proxima staziun: Pyeongchang

La proxima staziun per Alain Berset sin ses viadi en l'Asia è Pyeongchang. La sonda saira vegn el a s'inscuntrar per discurs bilaterals cun schefs da stadi e regenzas sco er cun organisaziuns internaziunalas. Plinavant vegn el a sustegnair ils atlets svizzers tar l'ina u l'autra cursa.

RR novitads 18:00

Artitgels legids il pli savens