Siglir tar il cuntegn

Header

cuntegn

Svizra Monopol da la SBB duai crudar

La BLS duai surpigliar davent dal 2020 duas lingias da Interregio.

Concret vai per las lingias Berna-Burgdorf-Olten e Berna-Bienna. Davent da la midada d’urari il december 2019 duai la BLS surprender quellas da las Viafiers federala. Lezza discurra en in’emprima reacziun dad ina midada fundamentala d’in sistem cumprovà ed avertescha che l’effizienza e la stabilitad da la rait da tren a gronda distanza pudessi patir. Sumegliant vesa quai il sindicat dal persunal da transport.

BLS vuleva dapli

Mo era la BLS n’è betg propi cuntenta cun la decisiun. Atgnamain leva ella surprender dapli lingias da las Viafiers federala. Numnadamain era quella tranter Basilea e las duas staziuns Interlaken e Brig, sco era la lingia tranter Berna via Neuchâtel a Le Locle. L’Uffizi federal da traffic vul dentant laschar quellas lingias a las Viafier federala, quai betg il davos perquai che la BLS n’ha anc betg avunda trens.

Sco proxim pon ussa tut ils chantuns ed organisaziuns pertutgadas prender posiziun tar ils plans da l’Uffizi federal da traffic. La consultaziun cuzza enfin ils 23 da matg. Enfin la fin da zercladur vul l’uffizi lura decider.

Artitgels legids il pli savens