Monika Ribar è nova presidenta da VFF

Las Viafiers federalas svizras han ina nova presidenta. Monika Ribar è vegnida elegida a chaschun da la radunanza generala da la SBB. Ella daventa uschia successura d’Ulrich Gygi che va en pensiun, communitgeschan las Viafiers federalas.

Ulrich Gygi, il president dal cussegl adminstrativ partent, gratulescha a sia successura.

Legenda da maletgs: Gratulaziun ed adia: Ulrich Gygi, il president dal cussegl adminstrativ partent, gratulescha a sia successura. Keystone

Ribar ha 57 onns ed è dapi il matg 2014 vicepresidenta da las VFF e commembra dal cussegl d'administraziun. Ordavant è la nova presidenta tranter auter stada CEO tar Panalpina World Transport.

Il cussegl d’administraziun da las Viafiers federalas sa preschenta cun novs commembers:

  • Beat Schwab, schef Real Estate Investment Management, Credit Suisse
  • Erich Ammann, schef finanzas, Schindler Group
  • Georg Kasperkovitz, schef finanzas, Mondi

RR novitads 21:00