Siglir tar il cuntegn

Header

cuntegn

Molnupiravir Confederaziun reservescha medicament encunter corona

La Confederaziun ha reservà in ulteriur medicament encunter il coronavirus. L'avantatg dal medicament Molnupiravir saja che l'applicaziun è simpla.

Entant ch'ils auters medicaments ston vegnir dads entant en furma d'ina infusiun, po Molnupiravir dal concern da farma american Merck Sharp & Dhome vegnir dà oral en furma d'ina tabletta.

Tar il studi ha il medicament mussà in grond effect tar persunas che han survegnì il coronavirus ed han il ristg per ina greva infecziun. Il medicament ha l'effect ch'el disturba il virus da sa multiplitgar. La Confederaziun ha reservà prest 9'000 stgatlas. Il pli tard il schaner duai il medicament star a disposiziun. La summa da contract na vegn beg communitgada.

Il medicament Molnupiravir segirescha la Confederaziun uschia dasper ils medicaments Casirivimab/Imdevimab e Sotrovimab. Quels medicaments sajan tuts empermettents. Anc n'è Molnupiravir betg lubì en Svizra. Tuttina pon ins gia durant il stgalim actual dal process per la lubientscha, duvrar il medicament. Tenor il BAG surpiglia la Confederaziun per il mument ils custs dal tractament ambulant, enfin che las cassas da malsaun pon surpigliar quels.

audio
Per tadlar curt e cumpact
00:50 min, RTR Audio dals 23.11.2021.
laschar ir. Durada: 00:50 minutas.

RTR novitads 12:00

Artitgels legids il pli savens

Scrollar a sanestra Scrollar a dretga