Siglir tar il cuntegn

Header

Navigaziun

cuntegn

Svizra «Mo palpiri, memia birocratic e memia char»

Per cusseglier federal Ueli Maurer sa tracti da «mo palpiri», per la Federaziun svizra dals patruns da lavur è ella «memia birocratica e memia chara»: Il glindesdi aveva la cumissiun correspundenta dal cussegl dals chantuns preschentà ina varianta da la favurisaziun d'indigens «light».

Per il Cusseglier federal Ueli Maurer è la nova proposta per «favurisar indigens light» cun la quala l'iniziativa d'immigraziun duai vegnir realisada sulet palpiri. El na craja betg, che la proposta da la cumissiun dal Cussegl dals chantuns possia gia esser la schliaziun ha Maurer ditg a l’ur d'in inscunter cun ils minister da finanzas da l'Uniun europeica.

Portrait dad el.
Legenda: Valentin Vogt, president da la Federaziun svizra dals patruns da lavur. Keystone

Memia birocratica vs. sustegn pussaivel

«Memia birocratica e memia chara» – uschia taxescha la Federaziun svizra dals patruns da lavur la proposta da la cumissiun da las instituziuns politicas dal cussegl dals chantuns areguard l'iniziativa d'immigraziun da massa.

Per l'uniun d'artisanadi e mastergn percunter va la proposta en la dretga direcziun. Ella è da l'avis che la favurisaziun d'indigens «light» pli rigurusa pudessi gidar ils lavurants.

Varianta pli rigurusa da «favurisaziun d'indigens light»

La proposta prevesa ch'interpresas na duain betg mo stuair annunziar plazzas libras, mabain - en tschertas branschas - stringentamain envidar aspirants indigens ad in discurs ed argumentar eventualas respostas negativas.

RR novitads 06:00++