Siglir tar il cuntegn
cuntegn

Svizra Mo mez uschè bleras vestas da protecziun sco prevesì

Il Cussegl dals chantuns ha approvà la missiva d'armament 2018. Sulet tar las vestas da protecziun ha el gì resalvas.

Ina poppa cun la nova vestgadira ed equipaschi da l'armada.
Legenda: Il Cussegl naziunal ha approvà mo mez uschè bleras vestas da protecziun sco planisà. Keystone

Tut en tut ha il Cussegl dals chantuns approvà duas milliardas francs per armament, material d'armada ed immobiglias dal departament da defensiun. Sulettamain tar las expensas per vestas da protecziun ha il cussegl scursanì las expensas proponidas.

Uschia na vul il Cussegl dals chantuns na betg cumprar per l’entira armada vestas da protecziun. El dubitescha ch’i dovria per l’entira truppa duas vestas – ina pli leva che na protegia betg da sajets da buis ed ina pli greva ch'è er adattada per incumbensas da surveglianza.

Perquai dat il Cussegl dals chantuns be in credit per la mesa summa – per 100'000 schuldads custan las vestas 199 milliuns francs. Per il cusseglier federal Guy Parmelin munta quai che l'armada na vegn betg protegida dal tut. En vista al privel da terror fiss quai dentant necessari.

RR novitads 12:00