Svizra - Mintga terz na dumogna betg examen d’ir cun auto
Var in terz da las persunas che fan l'emprima giada l'examen pratic dad ir cun auto na dumognan betg immediat quel. Quai mussa la statistica da l'Associaziun dals Uffizis per il traffic sin via.
L'onn passà han passa 92'000 persunas absolvì l'emprima giada l'examen categoria B per autos da persunas e bunamain 60'000 èn vegnids tras. La quota dals examens absolvids cun success resta sur ils onns pulit constanta scriva l'associaziun. En media dovra in nov manischunz 1,48 emprovas fin ch’el dumogna l’examen d’ir cun auto.