Siglir tar il cuntegn

Header

Navigaziun

mauns da pliras persunas pli veglias
Legenda: In quart da la populaziun è dal maini che l'emprima e la segunda pitga basta per vegnir sur las rundas en la vegliadetgna. Keystone
cuntegn

Svizra Mintga terz en Svizra n'ha nagina pitga trais

Passa in terz da tut las persunas en Svizra n'ha nagina prevenziun privata per la vegliadetgna e na posseda betg ina pitga 3a. Spezialmain gronda è la cumpart da quels che sa fidan da la prevenziun legala en la Svizra franzosa, numnadamain 42%. En la Svizra tudestga èn quai 38%.

Quai demussa ina retschertga che la plattafurma da cussegliaziun da finanzas Moneypark ha laschà far. Lezza numna quai «bunamain negligent». La finfinala cuvria la prevenziun legala maximal 60 fin 80% da las entradas usitadas. Uschia ristgan blers d'avair largias en il provediment da la vegliadetgna, uschia communitgescha la plattafurma.

Il motiv il pli savens per il provediment mancant saja simplamain che la glieud na sappia betg, uschia vegn scrit. Radund in terz dals dumandads n'hajan perquai nagin provediment privat. In quart è dal maini che l'emprima e la segunda pitga bastian.

RR novitads 10:00