Siglir tar il cuntegn
cuntegn

Svizra «Mintga producent preschenta in auto electric»

Autos electrics paran a Genevra dad esser en il trend. Prest mintga producent d'autos mussa in auto electric, che duai vegnir ils proxims onns sin il martgà. Sur dals problems dal diesel na vegn dentant betg propi discurrì.

In auto sut ina taila.
Legenda: Prest mintga producent preschenta in agen auto electric. GSMI.ch

Max Welther, in garaschist da Laax, stat a Genevra al stan dal producent da la Corea dal Sid «SsangYong». El cusseglia ils clients e dat infurmaziuns sur dal motor, il pretsch ed adina dapli sur dad emissiuns da CO2. Quai para dad interessar. Discussiuns sur dal scandal da diesel u sur da scumonds dad ir cun l'auto en citads tudestgas na datti dentant betg, uschia Max Welther. Ils blers dals 700'000 visitaders miran surtut sin ils PS e na vulan betg savair quant ch'il motor tragutta.

Autos electrics en Svizra:

Personen-Box aufklappenPersonen-Box zuklappen

Tenor Auto Schweiz, l'associaziun dad importaders dad autos, han las garaschas vendì il favrer 2018 dubel uschè blers autos electrics sco il favrer 2017. En cifras absolutas èn quai 400 autos electrics dapli.
Mess en relaziun n'è quai dentant betg propi bler. Quai na fa gnanca or in pertschient dals autos novs dal favrer 2018.

Electric è en il trend

Autos electrics han in meglier renum ch'ils autos da diesel u benzin. Surtut suenter il scandal da VW vulan adina dapli umens e dunnas cumprar in auto electric per esser pli conscient da l'ambient. Era l'industria dad autos vul nizzegiar quai. Cun preschentar autos electrics pon els en emprima lingia gudagnar novs clients, ed en segunda meglierar lur renum.

RR actualitad 07:00