Siglir tar il cuntegn
Inhalt

Svizra Mintga candidat selvadi vegn exclus da la partida

La PPS ha nominà 3 candidats per las elecziuns dal Cussegl federal, l’italofon Norman Gobbi, il francofon Guy Parmelin ed il germanofon Thomas Aeschi. Per la paja pretenda ella da l’assamblea federala, ch’i vegnia era elegì in dals candidats uffizials. In’autra persuna vegna exclusa da la partida.

Ils trais candidats da la PPS: Thomas Aeschi, Norman Gobbi e Guy Parmelin
Legenda: Ils trais candidats da la PPS: Thomas Aeschi, Norman Gobbi e Guy Parmelin (da sanester). Keystone

L’istorgia mussa, durant decennis funcziunavan las elecziuns dal Cussegl federal precis sutsura. Las partidas nominavan be in’unica candidatura, per la paja fascheva diever l’assamblea federala regularmain da sia libertad d’eleger ed elegeva adina puspè era candidats e candidatas nun-uffizialas.

Il squitsch d’eleger candidats uffizials ha fabritgà si sco emprim la PS, perquai ch’ils candidats uffizials da la PS n’èn betg vegnids resguardads il pli savens. Ma la PPS ha augmentà il squitsch era sin ses agens commembers da partida cun integrar la clausula en ils statuts da partida, che mintga candidat selvadi vegn exclus da la partida. Era pervi da questa clausula pensa il politolog Georg Lutz ch’i vegnia elegì a la fin in dals trais candidats uffizials en il Cussegl federal.