Siglir tar il cuntegn
Inhalt

Svizra Mintga 5avel ha strucca da fain

Mintga 5vla persuna patescha da la strucca da fain. Ed i vegnan adina dapliras. Quai scriva il center d’allergias Aha!.

Purtret d'ina dunna che stat davant ina flur e sturnidescha en in faziel da nas.
Legenda: Mintga 5avel patescha da la strucca da fain. Keystone

Cun la primavaira cumenza er il temp da sgular per ils pollens. E cun quai temp cumenzan era adina dapliras persunas a reagir allergic. Tenor il center d'allergias Aha! patescha gia mintga 5avel da la strucca da fain.

Damaun vul il center Aha! perquai sensibilisar la populaziun per quest tema, en rom dal di d'allergias naziunal. En pliras staziuns vegnan repartids fegls sgulants. Quels dattan tips co ir enturn cun allergias e co pudair evitar allergias.

Avant tschient onns pativa strusch insatgi da pollens, constatescha il center d’allergias. Oz possian persunas en tuttas vegliadetgnas dentant patir da pollens. Las raschuns per quai augment n’èn anc betg scleridas.

RR novitads 12:00