Siglir tar il cuntegn
cuntegn

Svizra Migros provochescha ina dispita dal pretsch da latg

La Migros extrescha sin la fin da l'onn da l'organisaziun da branscha Latg (BOM). Il motiv saja il cumportament illoial da singuls commembers da la branscha.

La Migros extrescha ord l'organisaziun da la branscha Latg (BOM).
Legenda: La Migros extrescha ord l'organisaziun da la branscha Latg (BOM). Keystone

L'organisaziun è responsabla da fixar mintga quartal il pretsch directiv per latg. Ils 24 da matg ha ella fixà quest pretsch sin 65 raps per kilo. Ils purs da latg avevan pretendì in augment, ma senza success. Alura aveva il concurrent Coop, che fa era part da la BOM, decis da pajar 3 raps dapli per kilo che fixa en l’organisaziun. La Migros era sinaquai vegnida en la crititgada ch’ella saja responsabla ch’il pretsch per latg na vegnia betg auzà. Ils purs avevan sinaquai clamà ad in boicot cunter las stizuns da la Migros.

La Mirgros sa senta cugliunada

Il pli grond detaglist svizzer banduna uss pia l’organisaziun da branscha. Sco motiv numna Migros che plirs commembers da la BOM na sa tegnian betg vida las reglas cun per exempel surdar datas da las medias. Per furniturs sco era per la clientella na duai nagut sa midar, scriva il detaglist svizzer.

RR novitads 15:00