Siglir tar il cuntegn

Header

cuntegn

Svizra «Midar partenari. Sex segir resta»

Cun quest slogan vul l'uffizi federal da sanadad sensibilisar per il ristg d'infecziuns ch'ins po pigliar tras sex. L'uffizi ha preschentà oz sia nova campagna da «love life».

Malsognas sco gonorrhoe, sifilis e clamidias èn s'augmentadas l'onn passà. Las infecziun cun il virus da HI èn però restadas stabilas. Tenor l'uffizi federal da sanadad saja quest trend d'observar en tut l'Europa. Las campagnas da prevenziun stoppian perquai cuntinuar.

La nova campagna tematisescha la midada da partenari. Pli savens ch'insatgi mida partenari e pli fitg che la ristga da s'infectar creschia. Da duvrar in condom sminueschia uschia fermamain il ristg per s'infectar ed impedeschia da dar vinavant il virus da HI. Tgi che sa tignia strictamain vid il motto «Midar partenari. Sex segir resta», possia sa schurmegiar.

Clamar en memoria las reglas per il «Safer Sex»

L'uffizi federal per sanadad vul era ch'ins clomia puspè en memoria las reglas per sex segir. Quellas dian dad adina duvrar in condom e da na pigliar nagin sperma e nagin sang en bucca. Tar sintoms d'ina grippa suenter na betg avair gì sex segir sco era sch'i piztga u arda u tar auters malessers en la zona intima duess ins immediatamain ira tar il medi u la media.

Purtada vegn la campagna da l'uffizi federal, da l'Agid cunter AIDS e da la Sanadas sexuala svizra. Ella dura trais emnas e cumpiglia placats, filmins sco era acziuns en ils meds online e meds sozials.

RR novitads 10:00

Artitgels legids il pli savens