Siglir tar il cuntegn

Header

cuntegn

Svizra Midada sin temp da stad è stada fitg dispitaivla

Pir dapi il 1981 datti il temp da stad en Svizra. Gia il 1978 aveva il parlament e la regenza vulì introducir quel, ma in referendum ha gì success ed il pievel ha detg cleramain na. Cunter l'introducziun 1981 hai alura era dà opposiziun, dentant senza success.

La Svizra duai introducir il temp da stad ed uschia avair il medem temp sco ils pajais vischinants, quai han il parlament e la regenza decidì il 1977. Ma igl ha dà in referendum e sinaquai ha il suveran decidì cleramain da betg introducir il temp da stad. Surtut la PPS dal chantun Turitg cun Christoph Blocher a la testa, sco era ils purs, han cumbattì quai.

audio
Bunura: Temp d'enviern – ina giada ina dumonda dispitaivla
ord Actualitad dals 28.10.2017.
laschar ir. Durada: 2 minutas 28 Secundas.

Il 1980 ha la Confederaziun dà in'ulteriura emprova. Puspè ha quai dà opposiziun, questa giada dentant senza success. Uschia ha la Svizra introducì il 1981 il temp da stad, uschia sco el vala anc il di dad oz.

RR actualitad 08:00

Artitgels legids il pli savens